வன்னியில் இடம்பெயர்ந்து வாழும் மக்கள் மீது சிறீலங்காப் படையினர் தொடர்ந்தும் கடுமையான எறிகணைத் தாக்குதல்களை நடத்தி வருகின்றனர். இன்று வெள்ளிக்கிழமை இடம்பெற்ற எறிகணைத் தாக்குதல்களில் 48 பொதுமக்கள் கொல்லப்பட்டுள்ளனர். மேலும் 174 பொதுமக்கள் படுகாயமடைந்துள்ளனர்.மாத்தளன்: இன்று காலை 8 மணியளவில் முல்லைத்தீவு மாத்தளன் மக்கள் குடிமனைகளை இலக்கு வைத்து நடத்தப்பட்ட ஆட்டிலறி எறிகணைத் தாக்குதலில் 5 பொதுமக்கள் கொல்லப்பட்டுள்ளனர். மேலும் 13 பேர் படுகாயமடைந்துள்ளனர்.
தேவிபுரம்: தேவிபுரம் ஆற்றங்கரைப் பகுதியில் இடம்பெயர்ந்து வாழும் மக்கள் மீது இன்று மதியம் 12 மணியளவில் படையினர் நடத்திய பல்குழல் உந்துகணைத் தாக்குதல்களில் ஒரே குடுபந்தைச் சேர்ந்த இரு சிறுவர்கள் கொல்லப்பட்டுள்ளனர். மேலும் 22 பொதுமக்கள் படுகாயமடைந்துள்ளனர்.
சுதந்திரபுரம்: சுதந்திரம் மக்கள் வீட்டுத்திட்ட குடிமனைகள் நோக்கி இன்று பிற்பகல் 4 மணியளவில் நடத்தப்பட்ட பல்குழல் உந்துகணைத் தாக்குதல்களில் 6 பொதுமக்கள் கொல்லப்பட்டுள்ளனர். மேலும் 66 பொதுமக்கள் படுகாயமடைந்துள்ளனர்.
மூங்கிலாறு: மூங்கிலாற்றுப் பகுதியில் சிறீலங்காப் படையினர் நடத்திய எறிகணைத் தாக்குதல்களில் 11 பொதுமக்கள் கொல்லப்பட்டுள்ளனர். மேலும் பலர் படுகாயமடைந்துள்ளனர்.
உடையார்கட்டு: உடையார்கட்டில் இடம்பெயர்ந்து வாழும் மக்கள் மீது நடத்தப்பட்ட எறிகணைத் தாக்குதல்களில் 8 பொதுமக்கள் கொல்லப்பட்டுள்ளனர். மேலும் பலர் காயமடைந்துள்ளனர்.
வள்ளிபுனம்: இப்பகுதியில் இடம்பெற்ற எறிகணைத் தாக்குதல்களில் 14 பொதுமக்கள் கொல்லப்பட்டுள்ளனர். மேலும் பலர் காயமடைந்துள்ளனர்.
Comments